Libro rememorativo d’o 60 cabo d’año @BritSafe: una obra alazetal en a istoria d’a #SST

This post is also available in: English, Spanish

O British Safety Council (est. 1957 por James Tye) ye una d’as organizazions prenzipals en Seguranza y Salut en tot o mundo (“British Safety Council,” n.d.)

2017 ye, por tanto, o 60 cabo d’año d’o BBC. Iste importán feito se ye zelebrando iste año con una serie d’autibidaz diversas como eventos, esposizions, ufiertas espezials de suscrizión, edizión de publicazions en varios formatos (peliculas istoricas, un archivo con material istorico, un calandario de mesa, una sezión adedicata en a web d’o BSC).

Pero estacando entre istas iniziativas bi ha una obra eszezional que pasará a ra istoria no solo que d’o British Safety Council, sino que antimás como una alfaya en l’aria d’a Seguranza y Salut a ran mundial: iste ye o libro rememorativo d’os 60 años d’o BSC…

Fuen: elaborazión propia

O libro ye alazetalmén un argüelloso omenache a ro fundador d’o BSC, James Tyer y a ra istoria, esitos y trayeutoria d’a organizazión (Esbester, 2017)

Alchuntando gran cantidat de material grafico, o libro traza o desembolique d’o British Safety Council en fotografías que amuestran a influyenzia que prebó de tener (o BSC) en os cambeos economicos, politicos y en a vida sozial d’o país en istos 60 años (“Celebrating 60 years of the British Safety Council | British Safety Council,” n.d.)

Se trata d’una edizión de tapa dura en gran calidat que presenta imachens ripresentazivas de posters istoricos, informes, borradors de documentos, notas escritas a man, cartas, anuzios publicatos en os meyos, documentos y archivos, campañas, fotografías, ricortes de papels y revistas, ezetera. Una estraordinaria triga de l’archivo dichital nombrato anteriormén ye disposable en l’adresa https://www.britsafe.org/the-archive/

Si yes intresat@ en o libro, puedes contautar con Iris Cepero (Head of Communications and Editor of Safety Management magazine del British Safety Council), correo-e: publications@britsafe.org.

Astí, bels esemplos presos d’o libro, amostrando l’avanzato, mesmo estricallador planteyamiento d’a organizazión en a demba d’a Seguranza y Salut (por custions teunicas, dixo os piez de foto en a luenga orichinal d’iste articlo, anglés):

Simplamén, grazias a ro British Safety Council por ista obra mayestra, que merexe un puesto destacato en a literatura y librerías de SST.

Bibliography

British Safety Council. (n.d.). Retrieved October 17, 2017, from https://en.wikipedia.org/wiki/British_Safety_Council
Celebrating 60 years of the British Safety Council | British Safety Council. (n.d.). Retrieved October 17, 2017, from https://www.britsafe.org/celebrating-60-years-british-safety-council
Esbester, M. (2017). The British Safety Council at 60. London: British Safety Council.

Leave a Reply

Your email address will not be published.

*