Analís de caso: cualidaz de os direutibos en as interpresas

This post is also available in: Spanish

A partir de a cronica periodistica publicata en Negocios y Emprendimiento o 13 d’agosto de 2013, fer un analís de as carauteristicas que cal que tienga o direutibo d’una interpresa.

leader_vs_boss

Articlo: “10 cualidaz d´un almenistrador d´esito” (astí enlaze)

Enfilar con esito una interpresa en istos tiempos desixe muito más que un curriculum pleno de tetulos y d’esperienzia laboral. O mundo autual amenista d’almenistradors inobadors, apasionatos, flesibles y bisionaires.

Ya siga como almenistrador de a tuya propia interpresa u d´a interpresa de belún más, ye importán que tiengas o desemboliques bellas cualidaz alazetals ta l’ambito interpresarial autual. Cualas en son? […]

1. Adautabilidá

Os almenistradors esitosos son flesibles y d’una mentalidá ubierta. De cutio en son disposatos á lo cambeo y paran cuenta t’aprofeitar as oportunidaz que en surten d’ers. Son arriesgatos y s’adautan fázilmén á las situazions nuebas y esconoxitas. En son como camalions. Sapen aprofeitar as condizions de o suyo ambito.

2. Conoxedura

Ta estar un buen almenistrador no ye prou con solo que tener autitú, tamién cal contar con bels conoximientos y esperienzia en que a chestión empresarial.

Ye zierto que bi ha barios casos d’esitosos almenistradors que nunca no fueron á la unibersidá, pero grazias á lo suyo treballo y adedicazión alquirieron os conoximientos prauticos y autituz ta enfilar fortalmén.

3.  Intelixenzia emozional

Enfilar una interpresa desixe un gran dominio de as nuestras emozions. Os cherens cal que tiengan calma en os intes difízils y serenidá anti o dandalo. Un buen almenistrador ye capaz de prener dezisions razionalmén anque a situazión siga de raso difuera de control.

4.  Intelixenzia executiba

La intelixencia executiba ye un conzeuto que fa referenzia á la capazidá ta eslexir metas y modelar propositos á trabiés d’un prozeso d’ideyazión-execuzión.

Os almenistradors modernos cal que sigan dotatos d’una gran capazidá creyatiba, pero tamién cal que sigan presonas orientatas á l’azión. D’ixo se trata a intelixenzia executiba.

5. Abilidaz umanas

A parti más importán d’una interpresa ye o suyo componén umán y como almenistradors cal que sepa tratar con presonas, replecar as suyas nesezidaz y conoxer as suyas motibazions.

L’almenistrador ye como o direutor d’una orquesta, no amenista saper tocar toz os istrumens, pero ye capaz de quitar o millor de cada mosico y consigue una perfeuta armonía entre toda a orquesta ta creyar tonatas sin de contimparanza.

6. Abelidaz de negoziazión

A faina cherenzial desixe una interazión con sozios, aliatos, competidors, cliens, furnidors, etz. y ye astí an o cherén cal que siga un negoziador intelixén capable de desembolicar poderosos ligallos y rilazions que faboxencan o creximientos de a interpresa.

7.  Enfiladura

Más que estar un chefe, un cherén cal que siga un enfilador en tot o sentito de a parola. Sabe an i ye, t’an marcha y se mete en marcha ta os suyos ochetibos. Ye de os que prenen a iniziatiba en puesto de posar-se á asperar a que as cosas pasen porque sí. Ye entusiasta y guía con o suyo exemplo á las presonas que en treballan con er.

Ye importán dizir que a fegura de l’almenistrador d’interpresa que se enzarraba en ixe estudiez por luengas oras, ha quedato dezaga. As interpresas autuals en amenistan d’una enfiladura moderna más flesible, ubierto y partizipatibo an os cherens aprofeiten a capazidá de cadaguna de as presonas que forman parti de a organizazión.

8. Capazidá ta ispirar y motibar

Ta enfilar una interpresa s’amenistan d’un carisma que trasmitará todas as presonas que en treballan en ixa. Cuan o enfilador ispira y motiba á las presonas que en treballan con er, cuan se’n fan grans risultatos. No bi ha cosa más fortal que una colla de presonas motibatas treballando por oxetibos comuns.

9. Saper delegar

Un fatal almenistrador creye que cal que s’encargue de tot ta que as cosas en surtan bien, pero a reyalidá ye que as interpresas en amenistran d’almenistrador con una gran capazidá ta delegar y ta isto cal que o cherén repleque a importanzia d’achustar presonas más espertas e intelixens que er.

10. Ye bisionaire, inobador y apasionato

Os cherens esitosos en tienen una bisión muito graniza. De cutio beyen más dillá de o que bels atros beyen. Nunca no se conforman, de cutio en son probocando-se á sí mesmo ta lebar as interpresas á nuebos rans. En son apasionatos y lis cuaca motibar. No lis da medrana escubrir nuebas endrezeras y nuebas trazas ta fer as cosas. Aman o suyo treballo y lo fan con ficazio.

Analís de caso: carauteristicas de os direutibos en as interpresas

Fazilitador, chestor de chustizia, risponsabilidaz y autoridaz.

Fazilitador de recursos. Antimás de as “abilidaz umanas” á las que se i refiere l’articlo, un cherén cal que sepa identificar y fer serbir á os treballadors toz os recursos que calgan ta o desembolique de un suyo treballo pueda estar completo. Istos recursos bi incluyen os meyos materials, umans y organizatibos. A fazilitazión de os meyos ye una contrimuestra de confitanza sin dadalo, a preba de o “9”  que contrimuestra a implicazión de a enfiladura de a interpresa con os suyos colaboradors.

Chestor de risponsabilidaz y autoridaz. Fixar risponsabilidaz ye en a prautica uno de os meyos organizatibos de o zaguer punto, y amenista una buena conoxedura de a colla de treballo y de o prozesos que se li suposa á un almenistrador.

Sin dembargo, ta que o colaborador pueda estar aplicar a suya risponsabilidá fixata, iste cal —de bez— estar dotato d’autoridá reconoxita por toda a organizazión. Fixar risponsabilidaz sin d’atogar autoridaz ye como bender chelatos sabor á boira: suena bien, pero no sapen á cosa.

Chustizia. Anque siga terzeno en ista lista y que no aiga estau nombrata en l’articlo, una de as cualidaz más importans que cal que tienga un chestor ye estar chusto. Y este sentito de a chustizia cal que siga presén de cutio en tot a suya faina como almenistrador.

En o caso de os tres puntos esposatos en iste exerzizio: chustizia ta identificar y fazilitar recursos, fixar risponsabilidaz y atorgar autoridaz y, profés, ta saber reconoxer os aziertos de os colaboradors y fer cosziens á istos tamién de as suyas errors.

Consecuenzias ta la biabilidá interpresarial

Todas as cualidaz de os direutibos nombratas en l’analís, en son cada día más alazetals ta la sustenibilidá de a interpresa.

Tradizionalmén, as abilidaz de os cherens yeran muito enfocatas —cuasi de traza esclusiba— á lo desembolique economico de a interpresa, á l’aspeuto alazetalmén produtibo y d’efizienzia en costes. A man d’obra y equipos de treballo yeran chestionatos como una parti más de o prozeso produtibo, balorando-se o suyo rendimiento direuto.

Sin dembargo, á partir de fa pocas añadas —que podérbanos situar en a decada de os 80 y escomenzipie de os 90— os aspeutos sozial y meyo ambiental de as organizazions en son alquiriendo un influyenzia prenzipal en o desembolique sustenible de as interpresas. Cada diya más, os consumidors y treballadors baloran as condizions (laborals y sozials) asoziatas á los produtos y serbizios que mercan, asinas que o impauto que cheneran ditos bienes en o planeta.

Ya no se trata simplamén de un buen pré o un salario dinno. Güe, no bi ha interpresa que sobrebiba sin de tener en cuenta toz istos aspeutos, y ta ixo, o papel direutibos ye alazetal, adautando as suyas abilidaz ta identificar os asuntos sozials, ambientals y economicos importans, y toz os suyos protagonistas afeutatos por a organizazión y priorizar azions ta fer serbir as suyas nesezidaz.

Ambitos complexos y que cambean con o tiempo. L’adautazión de as interpresas —y, por ixo, de os suyos direutibos— á os planteyamientos que aparixen no ye una fin, ye una endrezera.

O caso Volkswagen, exemplo de a importanzia de as azions direutibas

Ta rematar, ta exemplizar o impauto que pueden tener as aizions d’un direutibo en a trayeutoria y reputazión d’una interpresa, boi á recurrir a un detalle aintro de o surxito en zaguerías “caso Volkswagen“.

Volkswagen publica anualmén, —como ye obligatorio ta las interpresas de a suya grandaria— os suyos informes de sostenibidá. O zaguer publicato ye de l’añada 2014 —antis de que se conoxiera publicamén o bullizio— y en er se manifiesta:

We have learned that sustainability, environmental protection and social responsibility can be powerful value drivers.

(Emos aprendito que a sostenibilidá, a protezión meyoambiental y a responsabilidá sozial pueden estar firmes empentadors de balors)

Prof. Dr. Martin Winterkorn, ecs- CEO de Volkswagen AG, en o  informe de sostenibilidá 2014 de Volkswagen, paxina 12

Poquer tiempo más tardi de publicar-se iste informe de sostenibilidá, ocurrió o que somos beyendo.

Ye esclatero que ista declarazions no son a causa de a biolazión d´a Clean Air Act de l’Axenzia de Protezión Medioambiental (US-EPA) ni de o impauto economico que a demba ye tenendo en a interpresa, pero sí en tiene una consecuenzia en o desembolique sozial y meyoambiental d´a interpresa, en a suya reputazión, credibilitá, confianza de os consumidors, imbersors, treballadors y bels atros axens clau. En zaguer termino, a solbenzia de raso de a organizazión.

Unas simplas linias d’un alto direutibo mancan a istoria d’una compañía y condizionan o suyo esdebenidero. También a trayeutoria de o propio direutibo, Martin Winterkorn, que dimitió de traza prou rapeda.