Un ibierno en Copenague

This post is also available in: Spanish

Dende o luns d’a zaguera semana (18.chin) i soi en Copenague, an ye prebisto que pase buena parti d’iste ibierno. A razón que m’ha trayito astí ye profesional: a superbisión de seguranza, por cuenta de a consultora PrevenControl, d’uns treballos espezificos en o Copenhagen Arena, un gran y orixinar proyeuto ta la ziudá que, cuan se remate de costruyir, tendrá iste aspeuto:

Kig fra Nord_event_front

Antiparti de o proyeuto d´o CPH Arena en sí mesmo, un alox relatibamén amplo en Dinamarca tiene ta yo un intrés total: antis de tot, boi á pasar l’ibierno en un de os países millors en custión d’amostranza, estilo de bida saludable, estandars profesionals y condizions de treballo, desembolique sustenible, urbanismo y conzienzia meyoambiental. De feito, Dinamarca y a suya capetal, Copenague, ya han estato protagonistas barias begatas en iste blog, como no poderba estar d’atra traza:

[…] si teniese que eslexir un país como esemplo de la sustenibilidá, íste estarba Dinamarca […]

De todas as espezienzias rilazionatas con istos aspeutos que baiga trobando, tos rezentaré astí y tamién en PrevenBlog —o blog de a consultora PrevenControl—, en o que escribiré os articlos relatibos a l’ambito de a seguranza y salú.

Como adebanto, tos dixo iste bideo de dos menutos que alchunta bellas particularidaz que ta empezipiar m’ha dixau un poquer retillante. Por un costato, o frío ibierno nordico y por atro, o estandar de o metro de Copenague : trens sin de condutor ni tripulazión denguna á bordo y estazions con puertas automaticas en tot l’andén: