As interpresas deben rezentar una istoria

This post is also available in: English, Spanish

Dizen muitos espertos en o marketing y a comunicazión en o Rete, que una formula ta creyar u amillorar a tuya marca en a Rete ye rezentar as tuyas propias esperienzias dixando o tuyo siello presonal. “Rezentar a tuya istoria” con l’ochetibo de creyar un ligallo emozional con a chen.

En anglés se clama “storytelling” y ye un recurso de comunicazión muito intresán también ta cualsiquier organizazión. De feito, as interpresas tienen bellas istorias que deben rezentar; también sobre a suya funzión de a seguranza y o meyo ambién.

D’an surten as istorias d’una interpresa?

actores_empresa
Protagonistas d’una interpresa. Fuen: Wikipedia

As istorias d’una interpresa prozeden de os datos e informes que paran sobre a funzión de as suyas esferens funzions: informes d’autibidaz y prautica de cada departamén, informes de cuentas anuals, informes de sustenibillidá…

Dica agora, o intercambeo d’informazión entre as interpresas y as suyas funzions ye normalmén asinas:

  1. a cada protagonista de a organizazión li intresa determinata informazión;
  2. a interpresa imbía a informazión demandata en formato “bruto”: se mandan os informes o datos demandatos.

Ista formula puede continar estando balida en determinatas ocasions y fren á determinatos protagonistas.

Sin dembargo, ye posible consiguir un balor adubito á iste simplo intercambeo d’informazión: prexina combertir o nimbío d’informes en una ferramienta de comunicazión que chenere un dialogo permanén y trasparén con cada protagonista.

D’isto trata a ideya de que cada protagonista reculla a suya propia istoria de a interpresa. Combertir o informe en comunicazión, o imbío de documentazión en una esperienzia ta o clién y l’auto de nimbiar un simplo correyo-e, en a oportunidá d’establexer un dialogo permanén que ye, antimás, un sobrebuena informazión de tornada (feedback) ta la interpresa.

Un emplego intelixén y empatico de as teunoloxías de a informazión y comunicazión puede seduzir á o clien por a traza en que a interpresa li aporta datos.

En iste punto, o clién no reculle sólo que informazión. Ye bella cosa más: a istoria que a interpresa tiene parata ta er.

Bibliografía::
MARKETING DE GUERRILLA EN LA RED 2.0. 1 nov 2013. El poder del storytelling a la hora de crear una marca. http://www.marketingguerrilla.es/el-poder-del-storytelling-a-la-hora-de-crear-una-marca/. Consultato 18 nov 2014. 
WIKIPEDIA. 10 jun 2014. Stakeholder (imagen)http://es.wikipedia.org/wiki/Stakeholder. Consultato 18 noviembre 2014.
GLOBAL REPORTING INITIATIVE. 2014. Curso certificado de formación GRI G4 - Proceso de elaboración de memorias de sostenibilidad - Manual del curso. Páxina 47. Consultato 18 nov 2014.
MAIRAL, David. 12 nov 2014. Gestión de la PRL: del informe a la comunicación. Prevención Integral. http://www.prevencionintegral.com/comunidad/blog/aragon-valley/2014/11/12/gestion-prl-informe-comunicacion. Consultato 18 nov 2014.
ARAGON VALLEY. 2 dic 2014. A comunicazión de “toda a bida” combertita en estratechiahttp://www.aragonvalley.com/an/comunicazion-estratechia/. Consultato 16 nov 2014.