#PabellónJoséLuisAbós, infraestructura imbersa

This post is also available in: English, Spanish

O pasato 20 d’otubre plegó a traxica notizia de a muerte de José Luis Abós, entrenador de CAI Zaragoza.

Coach “A” mos dixa un exemplo de balors profesionals y presonals muito alazetals. Si quiers conoxer a istoria de una presona que fazió una firme apuesta por un suenio y sabió alcarzar-lo con treballo, costanzia, leyaltá, ambista estrateuchica y rispeto, te recomiendo que beigas, por exemplo, ista entrebista de febrero d’ista mesma añada en Aragón TV:

entrevista_JL_Abós

En Zaragoza y en tot Aragón ye ya una leyenda; un mito en o mundo de o balonzesto.

Por ixo, no ye estranio que dimpués de conoxer-se que Abós mos dixó, ocurrió un fenomeno estraordinario. Como coneutata por un binclo superior, d’entre a comunidá balonzestistica zaragozana, surxió un pensamiento común: o pabellón an i chuega o equipo de balonzesto deberba dizir-se á partir d’agora “Pabellón José Luis Abós”.

No tenió un zentro concreto, surxió en o esmo coleutibo de toda l’afizión de o balonzesto, pero sí se fazió fortal grazias á bels coneutors que combirtión o sentimiento de a chen en un conzeuto, #PabellónJoséLuisAbós, que s’espardió en una reazión en cadena á trabiés de o Rete y as retes sozials, encluyendo una carta de Inchas Lleons destino Casa Reyal de o Rei de España y una iniziatiba en charge.org d’un aficionau de Zuera –Jorge Lambán con más de 15.000 firmas de refirme, enfilata á lo Conzello de Zaragoza demandando o cambeo de nombre de o “Pabellón Principe Felipe” por “Pabellón José Luis Abós”.

O más estraordinario de tot ye que, antiparti de a boluntá de os ripresentans publicos de fer serbir á lo deseyo de l’afizión -autentica propietaria de a dezision-, en o esmo de a chen, o Pabellón José Luis Abós ye una reyalidá y asínas se clama ya. De feito, astí chugó o  CAI Zaragoza por primer bez o pasato domingo ante UCAM Murcia (y ganemos, coach!).

IMG_1759
Foto: Carlos Guillén Camacho, aficionau de CAI Zaragoza

Propiedá publica, boluntá y emplego ubierto fruito de l’autoregulazión. O caso de o #PabellónJoséLuisAbós  ye bella cosa más que o sentimiento de a chen por una presona que ye ya un simbolo y exemplo. Ta os que no creigan sufiziens os balors que o coach ripresenta, o #PabellónJoséLuisAbós ye teunicamén una infraestructura imbersa [1] en toda l’amplaria de o termino.

L’unico treballo pendién ye o de os rispresentans al cargo de a dezisión, que cal que se limiten á trazar bella cosa que ya ye dezidita y establexita.

Lo te merexes, coach.

Bibliografia:
[1] ARAGON VALLEY. 11 jun 2014. Infraestructuras inversas, cuando los anti sistema tiran del carro. http://www.aragonvalley.com/infraestructuras-inversas-anti-sistema/. Consultato 3 nov 2014.
[2] EDX.ORG. DelftX: NGI101x Next Generation Infrastructures. 6.5 Inverse infrastructures: Self organized infrastructures. Junio 2014. https://courses.edx.org/courses/DelftX/NGI101x/1T2014/courseware/c8f309fe5da7480dab01486ea5932b53/2aa56a3128cd46eba987b03b3b7bb9e0/. Consultato 11 jun 2014