Proyeuto: “Cultura prebentiva dende a escuela”

This post is also available in: English, Spanish

Aragon Valley, en colaborazión con l’Achenzia Europeya ta la Seguranza y Salú (EU-OSHA), presenta o proyeuto “Cultura prebentiba dende a escuela”.

A iniziatiba forma parti de a colaborazión que iste blog y l’Achenzia EU-OSHA tienen establexita ta la suya autual campaña europeya “Treballos saludables: Chestionemos l’estrés” y consiste en a reyalizazión de presentazions presenzials reyalizatas á l’alumnalla de zentros d’educazión primaria, secundaria, bachillerato u de formazión profesional.

Cada presentazión dura alto u baxo 45 menutos y en tienen iste contenito alazetal (entre parenteris, a durazión estimata):

  • Presentazión de  l’Achenzia Europeya ta la Seguranza y Salú en o Treballo y entrega de o material (8 menutos);
  • Presentazión de as campañas “Treballos saludables” de l’Achenzia y de l’autual edizión 2014-15 “Chestionemos l’estrés” (5 menutos);
  • Presentazión de o blog Aragon Valley y de a colaborazión meyatica establexita con l’Achenzia en a presén campaña (2 menutos);
  • Estrés: Definizión, causas, orixen de l’estrés seguntes a opinión de os treballadors (10 menutos);
  • Impauto de l’estrés en as organizazions y sintomas (10 menutos):
  • Identificazión y midas ta prebenir l’estrés; benefizions de a chestión de l’estrés ta as organizazions (10 min).

A esplicazión de o contenito la foi yo mesmo, David Mairal, y ba acompañata de a proyeuzión d’una presentazión en formato Power Point, asinas como de material ofizial de l’Achenzia como:

  • Napo ta mayestros (materials educatibos en l’ambito de a seguranza y salú ta os mayestros);
  • infografías.
  • documentazión teunica;
  • informes;
  • ezetera.

En funzión de as carauteristicas de cada zentro educatibo o de cada curso, esiste a posibilidá d’alcordar con o equipo dozén de cada zentro, un contenito espezifico á la presentazión.

Antimás, as presentazions en son bilingües anglés-castellán. Ye dizir, tras alcuerdo con l’equipo dozén de cada zentro, tanto a esplicazión de o contenito como a presentazión en Power Point pueden fer-se en cualsiquiera de as dos luengas.

IMG_1902A cada alunno, se li fa entrega un kit de material d’emplego escolar promozional de l’Achenzia y de as suyas campañas, que tiene iste contenito orientatibo, seguntes disponibilidá de l’Achenzia EU OSHA:

  • 1 mochila;
  • 1 DVD dople con as “Istorias de Napo” (o personache animato de l’Achenzia);
  • 1 bolígrafo;
  • 1 regla flesible;
  • 1 libreta con post-it y marcapaxinas de colors;
  • 1 tríptico de presentazión.
Ista autibidá ye disposable de gufaña ta zentros educativos situatos en cualsiquier lugar de as redolatas de Sobrarbe, Ribagorza, Somontano de Balbastro y as ziudaz de Uesca, Zaragoza y Barzelona y as suyas respeutibas árias metropolitanas.

Si yes de bella traza rilazionato en un zentro educatibo en o que podiese intresar a iniziatiba, puedes ponerte en contauto con yo a trabiés de o mail davidmairal@me.com o por telefono 654499494, antis de a rematanza de a presén añada escolar.

Beniens presentazions:

  • CEIP Antonio Beltrán Martínez – Zaragoza – 23 chinero 2015;
  • I.E.S. Monserrat Miró i Vilá, Montcada i Reixac – Barzelona – 2 y 6 febrero 2015.
  • Salesians Terrassa – Barzelona – 26 febrero 2015.
  • Zentro d´educación secundaria “Bal de Benás” – Benás, Uesca- 27 marzo 2015.
  • CEIP “Maestro Don Pedro Orós” – Movera (Zaragoza) – 27 y 28 abril 2015.

OnLine-Banner-ES