Siello RSA: o briloso estándar aragonés de #RSC

This post is also available in: Spanish

O Plan de Risponsabilidat Sozial d’Aragón ye una iniziativa d’o Gubierno d’Aragón -chunto con CEOE Aragón, Cepyme Aragón, UGT Aragón y CC.OO Aragón- con l’ochetivo de promover a risponsabilidat Sozial Interpresarial en os autonomos/as, interpresas e toda mena d’organizazions publicas e privatas d’Aragón.

O siello RSA ye a visualizazión d’a zertificazión d’os profesionals e interpresas que en cumplen con as condizions d’o esquema1. Tiene iste aspecto:

Fuen: Aragón Empresa

A primer vez que me informé en detalle sobre o plan RSA estió grazias a la interpresa JCV Shipping que, en un paso más aintro d’a suya fortal trayectoria interpresarial, obtenió o siello RSA fa bels meses. Si querez conoxer e continar un caso d’esito sobre management basato en alchuntar nuevos paradigmas de chestión d’o cambeo, transformazión dichital, risponsabilidat sozial e sustenibilidat, JCV ye un esemplo aragonés alazetal.

En zaguerías de 2017, s’anuzió a creazión d’o siello RSA+ que atorgará reconoximiento a organizazions con rendimiento avanzato en dembas como: voluntariato, igualdat, conziliazión u espardidura d’a cultura d’Aragón2.

Manimenos, por denzima d’una almirable contrimuestrazión, espardidura o una azertata imachen de marca (o ” siello”) que tamién son importans, a autentica valura d’o esquema RSA ye en o suyo conzepto como estándar de chestión d’as organizazions, parellana en muitas dembas a modelos de zertificazión globalmén reconoxitos en materia de sustenibilidat e risponsabilidat sozial corporativa:

  • Un “Declarazión de Compromís” que todas as organizazions e profesionals partizipans cal que acepten como condizión previa y que queda publicata chunto a la base de datos a la que se fa referenzia más abaxo;
  • Un cuestionario que cal cumplimentar por parti de todas as interpresas e profesionals partizipans en o plan, como valurazión d’o rendimiento en risponsabilidat sozial;
  • As grans interpresas, interpresas publicas e grans entidaz no pas lucrativas caldrá antimás que desemboliquen una Memoria de Risponsabilidat Sozial;
  • Os cuestionarios/valurazión en son visuratos por consultors e analizatos por un comité (“Mesa RSA”) ta determinar a obtenzión d’os siellos RSA correspondiens;
  • Una base de datos queda publicata con azeso libre ta consulta de todas as memorias e cuestionarios feitos por interpresas e profesionals;

Se trata d’una proposa de zertificazión e verificazión parellana a la que pueden tener estandars como o Global Reporting Initiative (GRI) con, ixo sí, bellas condizions tecnicas -a lo menos en o caso d’o cuestionario ta profesionals- no pas tan completo como as memorias de sustenibilidat GRI. Y meso al alcanze de cualsiquier interpresa u profesionals, por meyo d’un azertato programa de formazión y suporte.

Ta un blog como iste, con versión en luenga aragonesa dende fa más de tres años, ista ye una oportunidat de millora estratechica e posizionamento en Aragón que, en o mío rol profesional de consultor e auditor, que curiosamén me cal en a mía propia tierra 🙂

Bibliography

1.
Plan de Responsabilidad Social de Aragón. Aragón Empresa. https://www.aragonempresa.com/paginas/plan-rsa. Published 2018. Accessed September 14, 2018.
2.
Las empresas aragonesas y su apuesta por los ODS. Corresponsables.com España. http://www.corresponsables.com/actualidad/empresas-aragonesas-apuesta-por-los-ods. Published December 18, 2017. Accessed September 14, 2018.